राष्ट्रियताको सवालमा

२०७७ ।०२ ।३१
आजको प्रतिनिधि सभामा सम्सदहरुले राष्ट्रियताको सवालमा एकै स्वरमा आवाज निकालेका छन । त्यो अत्यन्तै सरानीय छ । निश्पक्ष नागरिकको हैसियतमा माननीय सम्सदहरुले वोलेका कुराहरु जायज छन । तर पनि उपेन्द्र यादवले मधेशका वासिन्दालाई धोति भन्छन भनि प्रतिनिधि सभामा सच्चा आवाज उठाउन सफल भएका छन भने राजेन्द्र महतोले देशको जटिल मोडमा पनि ठूलो दल, सानो दल, देशको प्रधानमन्त्रीले बढी समय लिने तर मधेशी नेता वोल्ने समयमा समय तोक्नु पनि विभेदीकरण प्रमाण आजको दिनमा देखाउने भनि व्यङ्ग्य गरेका छन । सत्य कुरा त यो हो कि मधेशका जनताले नै सिमाको रक्षा गरेका छन । भूगोलको वारेमा कुरा गर्दा सवै एकै ठाँउमा उभिदा उभिदै पनि भूगोलको कुराले मात्र हुदैन त्यस भित्र वसोवास गर्ने मानिसको भावना जोडिन पर्छ, यादवले थपेका थिए । नेपालको नक्सा मात्र वनाएर आजको समस्याको समाधान होइन तर गन्तव्यको पहिचान भने हो । अव यात्रा सुरु गर्नुपर्छ र गन्तव्यमा पुग्नुपर्छ । यो यात्राको सुरु आजकै दिनबाट गर्नको लागि नेपालको सदनले सर्वसम्मतीबाट नेपाल सरकारलाई अनुमति दिएको छ । यसको लागि नेपाल सरकारले कसैलाई पनि सडकमा आवाज उठाउन पर्ने दिनको अन्त्य गरोस । कुटनितिक तवरले भारतसँग सम्वाद गरी तुरुन्त देखिएको अन्योललाई अन्त्य गर्नु पर्नेछ ।